Bakı Mühəndislik Universiteti (BMU) və Dövlət Gömrük Komitəsi Akademiyasının birgə təşkilatçılığı ilə keçiriləcək Gənc tədqiqatçıların IX beynəlxalq elmi konfransına (23-24 may 2025-ci il) məqalələrin qəbulu davam edir.

Ümummilli Lider Heydər Əliyevin anadan olmasının 102-ci ildönümünə həsr edilmiş konfransa məqalə qəbulu 21 aprel tarixində başa çatır.

Gənclərin elmə olan marağını artırmaq məqsədi daşıyan konfrans riyaziyyat, informatika, informasiya texnologiyaları, kibertəhlükəsizlik, logistika və nəqliyyatın müasir problemləri, biologiya və biotexnologiya, qida mühəndisliyi, fizika, fiziki mühəndislik, avtomatlaşdırma, telekommunikasiya və enerji, iqtisadiyyatın davamlı inkişafı, xarici ticarət, gömrük xidməti, memarlıq və dizayn, inşaat mühəndisliyi və digər vacib sahələr olmaqla ümumilikdə 20-dən artıq elmi istiqaməti əhatə edir.

Konfransda dünyanın müxtəlif universitet, akademiya və elmi-tədqiqat institutlarında fəaliyyət göstərən gənc tədqiqatçılar öz təcrübələrini bölüşəcək,  habelə ortaq problemlər müzakirə olunacaq, eləcə də onların həlli yolları üçün təkliflər irəli sürüləcək.

Konfransın proqramı ilə aşağıdakı link vasitəsilə tanış olmaq mümkündür: https://beu.edu.az/iyrc/home

İctimaiyyətlə əlaqələr şöbəsi