Bakı Mühəndislik Universitetinin (BMU) Müəssisələrlə əlaqələr və karyera departamentinin təşkilatçılığı ilə universitetin tələbələri “BP-ni kəşf et həftəsi” ndə iştirak ediblər.  

Universitetin Mexanika mühəndisliyi, İnşaat mühəndisliyi, Kimya mühəndisliyi, Elektroenergetika mühəndisliyi ixtisaslarında təhsil alan tələbələri həftə çərçivəsində neft-qaz sənayesindəki imkanlar barədə ətraflı məlumat əldə ediblər.

Tələbələr BP-nin təcrübə proqramları və məzunlar üçün yaratdığı imkanlarla tanış olublar, eyni zamanda, nəzəri biliklərin sənayemizə necə tətbiq oluna biləcəyini əyani görmək imkanı qazanıblar.

“BP-ni kəşf et həftəsi” onlarda adı çəkilən şirkətdə gələcəkdə mühəndis kimi karyeralarını necə inkişaf etdirə biləcəkləri haqqında aydın təsəvvürlər formalaşdırıb.

İctimaiyyətlə əlaqələr şöbəsi