Bakı Mühəndislik Universiteti (BMU) və ABŞ-nin “Neoterican” şirkəti arasında əldə olunan razılaşmaya əsasən, xarici tələbə və şagirdlər üçün “Yay məktəbi” təşkil olunacaq.

“Neoteric Study Azerbaijan” xaricdə təhsil proqramı çərçivəsində BMU-da baş tutacaq ödənişli “Yay məktəbi” 30 iyun - 8 iyul 2024-ci il tarixlərini əhatə edəcək.

“Sahibkarlıq və innovasiyaların idarə edilməsi”, “Təşkilati davranış”, “Əməliyyatların idarə edilməsi”, “Biznesin idarə edilməsi”, “Marketinq”, “İnsan-kompüter qarşılıqlı əlaqəsi” istiqamətləri üzrə təşkil olunacaq “Yay məktəbi”ndə 14 və daha böyük yaş həddində olan gənclər iştirak edə bilərlər.

Proqramla maraqlananlar müvafiq link (https://neotericstudy.com/azerbaijan/register/) üzərindən qeydiyyatdan keçməlidirlər.

“Yay məktəbi” iştirakçları üçün modul sessiyaları başa çatdıqdan sonra Bakının tarixi və mədəni mərkəzlərinə səfərlər təşkil ediləcək.

Təhsil proqramının yekununda iştirakçılara müvafiq sertifikatların verilməsi nəzərdə tutulur.

İctimaiyyətlə əlaqələr şöbəsi