Bakı Mühəndislik Universitetində (BMU) 8 Noyabr Zəfər Gününə həsr olunan tələbələrarası şahmat turniri başa çatıb.

BMU-nun Tələbə Həmkarlar İttifaqı Komitəsi (THİK) və İdman şöbəsinin təşkilatçılığı ilə baş tutan turnirdə BMU-nun bütün fakültələrindən olan tələbələr iştirak edib. Turnirin final mərhələsi oğlan və qız tələbələr olmaqla 2 qrup üzrə keçirilib.

Final mərhələsində oğlanlar arasında I yerə Memarlq və inşaat fakültəsinin II kurs tələbəsi Murad Seyidzadə, II yerə eyniadlı fakültənin II kurs tələbəsi Elmir Məmmədov, III yerə isə Mühəndislik fakültəsinin I kurs tələbəsi Novruz Nəbiyev layiq görülüb.

Qızlar arasında I yerdə Memarlıq və inşaat fakültəsinin II kurs tələbəsi  Aysel Əlizadə, II yerdə Pedaqoji fakültənin III kurs tələbəsi Nərmin Həsənzadə, III yerdə isə Pedaqoji fakültənin II kurs tələbəsi Aysun Hacıyeva qərarlaşıb.

İctimaiyyətlə əlaqələr şöbəsi