Bakı Mühəndislik Universitetinin (BMU) bir qrup əməkdaşının keyfiyyət təminatının qiymətləndirilməsi üzrə ekspert təlimi başa çatıb.

Təhsildə Keyfiyyət Təminatı Agentliyi (TKTA) tərəfindən 2022-2023-cü illər üzrə keçirilən təlim müxtəlif universitet müəllimlərinin sertifikatlaşdırılaraq, ekspert nümayəndəsi kimi banka daxil olunması və akkreditasiya qiymətləndirilməsinə cəlb edilməsi məqsədi daşıyıb.

Təlim “Daxili keyfiyyətin təminatı və mexanizmləri”, “Xarici keyfiyyətin təminatı” və “ATM-lərin akkreditasiyası üzrə qiymətləndirmə meyarları” modulları üzrə həyata keçirilib. Ekspert təlimini uğurla başa vuran BMU əməkdaşlarına hər üç modul üzrə sertifikat təqdim olunub.

İctimaiyyətlə əlaqələr şöbəsi