Bakı Mühəndislik Universitetində (BMU) Mərakeş Krallığından olan professor Hassan El Bari ilə onlayn görüş keçirilib.

Görüşdə BMU-nun beynəlxalq əlaqələr üzrə prorektoru Ətrabə Gül, universitetin aidiyyəti üzrə əməkdaşları iştirak ediblər.

Tərəflər biotullantıların idarə olunması, bərpaedilən enerji və biotexnologiya sahələrində elmi-tədqiqat əməkdaşlığı imkanlarını müzakirə ediblər. Görüş zamanı həmçinin müştərək elmi layihələrin hazırlanması, birgə nəşrlərin çapı, eləcə də seminar və təlim proqramlarının təşkili məsələləri diqqət mərkəzində olub.

Profesoor Hassan El Bari öz elmi fəaliyyəti, beynəlxalq layihələri və tədqiqat istiqamətləri barədə məlumat verərək BMU ilə ortaq təşəbbüslərin həyata keçirilməsində maraqlı olduğunu bildirib. BMU-nun elmi və akademik mühitini yüksək dəyərləndirən professor birgə fəaliyyətin elmi əlaqələrin inkişafına töhfə verəcəyinə əminliyini vurğulayıb.

Qeyd edək ki, professor Hassan El Bari biotullantıların idarə edilməsi, bioqaz texnologiyaları və dairəvi iqtisadiyyat sahələrində aparıcı tədqiqatçılardandır. Alim nüfuzlu beynəlxalq elmi jurnalların redaksiya heyətində yer alıb və bir çox beynəlxalq layihələrdə iştirak edib.

İctimaiyyətlə əlaqələr şöbəsi