“Bakı Mühəndislik Universitetindəki (BMU) tələbə həyatımdan məmnunam”. Bu fikirləri BMU-da “Biznesin idarəedilməsi” ixtisası üzrə magistratura səviyyəsində təhsil alan Suriya vətəndaşı Omran Murad bildirib.

BMU-nu seçməyinin bir neçə səbəbini anladan əcnəbi tələbə universitetin geniş ərazisini, kampusunu çox bəyəndiyini deyir. Üstəlik vurğulayır ki, burada seçdiyi ixtisas üzrə dərslərin tədrisindən razıdır, çünki öz sahələrini yaxşı bilən professor-müəllim heyətindən biliklər öyrənir, həm də universitet ona yaxşı təcrübə qazandırır.

Omran Murad BMU-nun kitabxanası haqda da fikirlərini bölüşüb: “Biz dostlarımızla birlikdə burada dərslərimiz, imtahanlara hazırlaşmaq üçün müxtəlif mənbələrdən lazım olan materialları tapır, bununla yanaşı, mövzuları bir yerdə müzakirə edə bilirik”.

O, tələbə olmağa hazırlaşan gənclərə bu sözlərlə xitab edib: “Əgər tələbəlik illərini maraqlı keçirmək istəyirsənsə, yaxşı təhsil almaq və sonra uğurlu karyera yoluna çıxmaq istəyirsənsə, BMU-ya gəl! Çünki burada xəyalların gerçək olacaq!”

İctimaiyyətlə əlaqələr şöbəsi