Bakı Mühəndislik Universitetinin (BMU) Avtomatika, telekommunikasiya və energetika kafedrasının professoru, texnika elmləri doktoru İslam İslamov “Frontiers in Antennas and Propagation” beynəlxalq jurnalının (electronic ISSN 2813-4680) redaksiya heyətinin üzvü seçilib.

Jurnal çoxprofilli olub antenalar, radiodalğaların yayılması, naqilsiz rabitə texnologiyalarının tədqiqi və işlənib hazırlanması mövzularını əhatə edir, həmçinin fundamental, tətbiqi və sənaye ilə bağlı tədqiqatların təkmilləşdirilməsini dəstəkləyir.  

“CLOCKSS”, “CrossRef”, “Google Scholar”, “OpenAIRE” kimi elmmetrik  bazalarda indekslənən jurnalın “Scopus” və “Web of Science” kimi nüfuzlu elmi bazalarda da indekslənməsi nəzərdə tutulur.

İctimaiyyətlə əlaqələr şöbəsi