BMU ilə Xarkov Milli Radioelektronika Universiteti arasında ikili diplom proqramı müzakirə olunub

14 Oktyabr 2019
BMU ilə Xarkov Milli Radioelektronika Universiteti arasında ikili diplom proqramı müzakirə olunub

    Ukrayna Respublikasının Xarkov Milli Radioelektronika Universitetinin prorektoru,  professor Murad Omarov Bakı Mühəndislik Universitetində (BMU) olub. BMU-nun rektoru, professor Havar Məmmədov Prezident cənab İlham Əliyevin yürütdüyü siyasət nəsticəsində Ukrayna ilə Azərbaycan arasında münasibətlərin yüksək səviyyədə olduğunu vurğulayıb.

     İki ali təhsil ocağının əməkdaşlıq məsələlərinə toxunan rektor, qonağa BMU-nun fəaliyyət istiqamətləri, maddi-texniki bazası, elmi və akademik kadr potensialı, beynəlxalq əlaqələri, inkişaf strategiyası barədə ətraflı məlumat verib.

    Professor M.Omarov təmsil etdiyi universitet haqqında, eləcə də BMU ilə əməkdaşlıq imkanlarından bəhs edib. Bildirib ki, Xarkov Milli Radioelektronika Universitetində  8000 tələbə təhsil alır. Onlardan 1000-ə yaxın tələbə 50 ölkədən olan xarici tələbələrdir. Tədris rus, ukrayna və ingilis dillərində aparılır. O, BMU ilə birlikdə tələbə-müəllim mübadilə proqramları, birgə konfranslar və layihələr həyata keçirməkdə maraqlı olduqlarını bildirib.

    Görüşdə magistr pilləsi üzrə BMU ilə Xarkov Milli Radioelektronika Universiteti arasında ikili diplom proqramı üzrə memorandumun imzalanması barədə fikir mübadiləsi aparılıb.   

    

İctimaiyyətlə əlaqələr şöbəsi

Digər xəbərlər