Bakı Mühəndislik Universitetinin (BMU) Dövlət və bələdiyyə idarəetməsi kafedrasının müdiri, t.ü.f.d., dosent Samir Quliyev Türkiyədə “XX əsrin əvvəllərində Türk-Erməni münasibətləri” mövzusunda keçirilən beynəlxalq simpoziumda iştirak edib. Türk Tarix Qurumunun və İğdır Universitetinin birgə təşkilatçılığı ilə gerçəkləşən simpoziuma dünyanın müxtəlif ölkələrindən alimlər, mütəxəssislər qatılıblar.

     Dos. S.Quliyev simpoziumda “1918-1920-ci illərdə Azərbaycan nefti üzərindəki beynəlxalq rəqabətdə erməni faktoru” adlı məruzə ilə çıxış edib. Ermənilərin Azərbaycan və Türkiyə ərazisində 1918-1920-ci illərdə törətdikləri cinayətlər və səbəb olduqları hadisələr tarixi faktlarla diqqətə çatdırılıb.

     Tədbir çərçivəsində dos. S.Quliyev mövzu ilə əlaqəli ətraflı müzakirələr aparıb.

İctimaiyyətlə əlaqələr şöbəsi