Bakı Mühəndislik Universitetinin (BMU) Pedaqoji fakültəsinin Dil və ədəbiyyat müəllimliyi ixtisası üzrə təhsil alan III kurs tələbələri ingilis ədəbiyyatında dünya şöhrətli dahilərin əsərlərini səhnələşdiriblər.

Tələbələr İngilis və amerikan ədəbiyyatı fənnini tədris edən dosent Ziyafət Hüseynovanın rəhbərliyi altında dahi Şekspirin ölməz əsəri olan “Hamlet”,  Emili Brontenin incə qəlblərə toxunan “Tufanlı Yoxuşlar” və Ceyn Ostinin oxucular tərəfindən  ən çox sevilən  romantik romanı “Qürur və qərəz” əsərlərini ingilis dilində səsləndiriblər.

Tədbirdə iştirak edən Pedaqoji fakültənin dekanı dosent Elşad Abdullayev, Tərcümə və ingilis dili  kafedrasının müdiri dosent Natiq Adilov  və dekan müavinləri tələbələri təbrik edib, onlara gələcək təhsil həyatlarında uğurlar arzulayıblar. 

Tələbələrin hazırladığı tamaşalar müəllimlər və tələbələr tərəfindən rəğbətlə qarşılanıb və böyük marağa səbəb olub.

İctimaiyyətlə əlaqələr şöbəsi