Hədəf Liseyinin şagirdləri BMU ilə tanış olublar
25 Dekabr 2023
Məktəblilərin Bakı Mühəndislik Universiteti (BMU) ilə əyani şəkildə tanışlığı istiqamətində həyata keçirilən tədbirlərin davamı olaraq Hədəf Liseyinin bir qrup şagirdi ali təhsil ocağında olub.
Tanışlıq zamanı şagirdlərə BMU-da mövcud olan fakültələr, ixtisaslar, həmçinin nəzərdə tutulan yeniliklər barədə ətraflı informasiyalar təqdim olunub.
Sonra məktəblilər universitetin müasir laboratoriyaları, Texnoparkı ilə yaxından tanış olub, burada həyata keçirilən təcrübələrlə bağlı məlumatlandırılıblar.
Məktəbliləri maraqlandıran suallara BMU müəllimləri tərəfindən aydınlıq gətirilib.
İctimaiyyətlə əlaqələr şöbəsi
