Israfilov Fikrət Ağahüseyn oğlu. 12.01.1961-ci ildə Kürdəmir rayonunun Mollakənd kəndində doğulmuşdur. Azərbaycanlıdır. 1978-ci ildə Bakıda 1 sayli fizika-riyaziyyat təmayüllü orta internat məktəbini qızıl medalla bitirmişdir.1976-cı ildə fizika üzrə və 1978-ci ildə riyaziyyat üzrə məktəblilər arasında Respublika olimpiadalarının qalibi olmuşdur. M.V.Lomonosov adına Moskva Dövlət Universitetini bitirmişdir. Fizika-riyaziyyat elmləri namizədi, dosentdir. 30-dan artıq elmi nəşrlərin müəllifidir. "Ali riyaziyyat" (2013), "Ali riyaziyyatin seçilmiş bölmələri" (2014), "Ehtimal nəzəriyyəsinin elementləri" (2016), "Riyaziyyat-1, Məsələ və misallar həlli ilə" (2018), "Xətti cəbr və analitik həndəsə" (2023) adlı dərslik və dərs vəsaitlərinin müəllifidir. Azəbaycan Dövlət Neft və Kimya İnstitunda Ali riyaziyyat kafedrasında assistent (1991-1994-cü illərdə), Azərbaycan Müəllimlər İnstitutunda baş müəllim, H.Əliyev adına AAHM-də dosent, Azərbaycan Texniki Universitetində dosent vəzifələrində çalışmışdır. Hazırda Bakı Mühəndislik Universitetində dosent vəzifəsində çalışır. Ailəlidir. Üç övladı var.