Memarlıq və inşaat fakültəsi 2019-cu ildə yaranıb. Fakültədə tədris Azərbaycan və ingilis dillərində aparılır.
Memarlıq və inşaat fakültəsində 7 bakalavr, 5 magistratura ixtisası üzrə ümumilikdə 821 tələbə təhsil alır. Fakültədə əcnəbi tələbələr də təhsil alır.
Fakültədə 56 nəfər professor-müəllim və 12 nəfər texniki-köməkçi heyət olmaqla, 67 əməkdaş çalışır. Fakültənin pedaqoji heyətinə öz sahələri üzrə respublikada tanınmış təcrübəli müəllimlərlə yanaşı, gənc, dinamik, ölkəmizdə və xaricdə müxtəlif səviyyələr üzrə təhsil almış və beynəlxalq təcrübə keçmiş kadrlar da daxildir. Fakültə əməkdaşlarının bir qismi təhsillə bağlı respublika əhəmiyyətli layihələrdə iştirak edib və bu fəaliyyətlərini indi də davam etdirirlər.
Memarlıq və inşaat fakültəsində analitik düşüncəyə, innovativ texnologiyalarla işləmək bacarığına, praktiki yönümlü nəzəri və tətbiqi biliyə malik olan və bu biliklərin verilmiş məsələlərin həllində tətbiq edilmə qabiliyyəti ilə fərqlənən mütəxəssislərin hazırlığının həyata keçirilməsi nəzərdə tutulub.
Tədris prosesində innovativ texnologiya və metodların tətbiqi tədris keyfiyyətinin artırılması məqsədilə əhəmiyyətli rol oynayır. Memarlıq və inşaat fakültəsində tədrisi müasir tələblər səviyyəsinə yüksəltmək üçün innovativ texnologiya və metodlardan, müasir tipli laboratoriyalardan istifadə edilir. Fakültənin təchiz olunduğu kompüter, ağıllı lövhə və digər texnologiyalar dərs zamanı tələbələrin tələbatını ödəyərək tədris prosesinin səmərəliliyini və əyaniliyini təmin edir. Tələbələrin internetdən sərbəst faydalanması üçün sərbəst istifadə laboratoriyaları fəaliyyət göstərir.
Fakültənin maddi-texniki bazası müasir tələblərə uyğun mühəndis hazırlığının həyata keçirilməsini təmin edir. Buraya texniki avadanlıqlarla təchiz olunmuş auditoriyalarla yanaşı, müasir laboratoriyalar daxildir. Kompüter laboratoriyalarında tələbələr AutoCAD, Revit, ArchiCAD, 3dMAX, CAD/CAM, PRO2, ASPEN/HYSYS və s. proqramları öyrənirlər.
Memarlıq və inşaat fakültəsində “Memarlıq”, “Dizayn”, “Dekorativ tətbiqi sənət”, “İnşaat mühəndisliyi”, “Kommunikasiya sistemləri mühəndisliyi”, “Nəqliyyat tikintisi mühəndisliyi”, “Şəhərsalma” ixtisasları vardır. “Memarlıq və şəhərsalma” və “Dizayn” kafedrası nəzdində elmi-tədqiqat və layihələndirmə mərkəzi fəaliyyət göstərir. Bu mərkəz yaradıcılıq, texnologiya və estetik düşüncənin birləşdiyi qabaqcıl elmi-tədris mərkəzlərindən biridir. Mərkəzin yaradılmasında əsas məqsəd ölkəmiz üçün strateji əhəmiyyət kəsb edən konseptual layihələrin təhsildə elmi-metodoloji mahiyyətini tədris prosesinə tətbiq olunması nəzərdə tutulub. Memarlıq və dizayn tələbələrinin yaradıcılıq işləri, Bakı və Xırdalan şəhər mərkəzlərində vaxtaşırı təşkil olunub və sərgilərdə kreativ özəllikləri ilə diqqət çəkib.
2025-ci ildən “Dizayn” kafedrasının tərkibində Dekorativ-Tətbiqi Sənət ixtisası üzrə qəbul həyata keçirilir. Bu istiqamət çərçivəsində tələbələr xalça, qobelen, keramika, metal və şüşə sənətləri kimi sahələrdə ixtisaslaşırlar.
Fakültədə “İnşaat mühəndisliyi” kafedrasında təhsil alan tələbələr həm nəzəri biliklərə, həm də praktiki bacarıqlara yiyələnirlər. Bu ixtisası bitirən tələbələr, memarlıq və mühəndis planlarını düzgün oxumaq və şərh etmək, konstruktiv daşıyıcı sistemləri hesablamaq, sahədə iş prinsiplərini və tikinti ardıcıllığını anlamaq, real problemlərə texniki və effektiv həll yolları tapmaq bacarığını əldə etmiş olurlar.
Bundan başqa, nəqliyyat tikintisi mühəndisliyi üzrə təhsil alan tələbələr nəqliyyat infrastrukturlarının (yollar, körpülər, tunellər, dəmir yolları, hava limanları və s.) planlanması, layihələndirilməsi, tikintisi və saxlanılması sahəsində bilik və bacarıqları mənimsəmiş olurlar.
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)
.jpg)