Oleik turşusu və onun propoksilətmə məhsulları əsasında yeni, ekoloji cəhətdən təhlükəsiz və səmərəli neft ləkələrini toplayan və dağıtan agentlərin sintezi

Bu tədqiqatda oleik turşusunun ayrı-ayrılıqda etilendiamin və trietilentetramin ilə reaksiyaları nəticəsində sintez olunan komplekslər propilen oksidin müxtəlif mol miqdarları ilə reaksiyaya girərək propoksillənmiş birləşmələr əmələ gətirmişdir. Alınan propoksillənmiş birləşmələr bir sıra fiziki-kimyəvi metodlarla xarakterizə olunmuşdur. Sintez olunan səthaktiv maddələrin fiziki xassələri, o cümlədən interfacial gərginlik və kritik misel konsentrasiyası müəyyən edilmişdir. Bu ölçmələrdən istifadə edilərək su məhlulu/kerosen interfeysi üzərində maksimal səth konsentrasiyası və molekul başına minimum sahə, həmçinin adsorbsiya və miselləşmənin standart termodinamik parametrləri hesablanmışdır. Sintez olunan propoksillənmiş komplekslərin seyreltilmiş və seyreltməmiş formada, müxtəlif duzluluğa malik sularda neft yığma və dispersiya xüsusiyyətləri öyrənilmişdir. FTIR spektrləri, C13 və H1-NMR spektrləri bu kompleks strukturlarını təsdiqləyir.