BMU-da transdisiplinarlıq strategiyaları mövzusunda seminar keçirilib

Bakı Mühəndislik Universitetində (BMU) Azərbaycan Gənc Alimlər, Doktorantlar və Magistrlar Cəmiyyətinin “Ali təhsil müəssisələrində transdisiplinarlıq strategiyaları ilə maarifləndirmə fəaliyyətlərinin təşkili” layihəsi çərçivəsində seminar keçirilib.

Layihə Təhsil və Elm Nazirliyi tərəfindən dəstəkləndiyindən, ilk seminar çərçivəsində çıxış edən BMU-nun Elm və innovasiya məsələləri üzrə prorektoru, professor Aghasi Malikov və Magistratura və Doktorantura şöbəsinin müdiri, professor Mahir Bashirov layihənin ali təhsil müəssisələrində bilik istehsalı prosesində əsas dəyişikliklərin araşdırılması və təşviqi imkanlarını təqdim etdiyini vurğulayıblar.

Azərbaycan Gənc Alimlər, Doktorantlar və Magistrlar Cəmiyyətinin eksperti Sevinj Adilova təqdimatla çıxış edərək, qarşılıqlı əlaqələrin transdisiplinar strategiyası, yeni bilik istehsal üsullarının tədqiqi mövzusunda danışıb. Natiq bu sahədə dünya universitetlərinin təcrübəsi, müxtəlif ölkələrdə tətbiq olunan metodların öyrənilməsi və transdisiplinar əlaqələr kontekstində yeni düşüncə yollarının tapılması barədə geniş məlumat verib.

Müzakirələrlə davam edən seminarın sonunda iştirakçılara müvafiq çap materialları və sertifikatlar təqdim olunub.