Bakı Mühəndislik Universitetinin (BMU) Tərcümə ixtisasının tələbəsi Tural Quliyev  “Diplomatiya Akademiyası” layihəsində I yeri qazanıb. Layihənin bağlanış mərasimində T.Quliyevə Fəxri fərman, sertifikat və mükafat təqdim olunub.

“Loqos” Psixoloji və Nitq İnkişaf Mərkəzinin Azadlıq filialında təşkil olunan bağlanış mərasimində layihənin uğurla başa çatmasının əhəmiyyəti vurğulanıb və qalib gənclər təbrik edilib. Eyni zamanda, layihənin yekun hesabatının təqdimatı reallaşıb.

Qeyd edək ki, “Diplomatiya Akademiyası” layihəsi Psixoloji Xidmət və Tədqiqatlar Mərkəzi tərəfindən həyata keçirilir. Əsas məqsəd ölkənin hər istiqamətdə təhsil alan gənclərini bir yerə toplamaqdır. Layihəyə əsasən seçim mərhələsindən keçən gənclər müxtəlif mövzular üzrə xüsusi təlimlər keçiblər. Təlimlərin sonunda baş tutan imtahanın nəticələrinə uyğun olaraq iştirakçılara sertifikatlar, qaliblərə isə Fəxri fərman və mükafatlar verilib.

İctimaiyyətlə əlaqələr şöbəsi