Magistratura və doktorantura şöbəsi
Magistratura və doktorantura şöbəsinin əsasnaməsi
Bakı Mühəndislik Universitetində (BMU) magistrant kontingenti ilə əlaqəli aşağıdakı ümumi işlər və metodiki-təşkilati funksiyalar həyata keçirilir:
- Universitetə yeni qəbul olan magistrantların elektron sistemə qeydiyyatının aparılması və onların şəxsi işinin formalaşdırılması, DİM-in protokolları və məktubu əsasında I kursa qəbul əmrinin hazırlanması;
- Magistrantlarla müqavilə bağlanmasının təşkili;
- Magistr biletinin hazırlanıb onlara təqdim olunması;
- Magistrantların universitetə qəbulu, xaric olunması, akademik məzuniyyət verilməsi, soyadın dəyişilməsi, təqaüd verilməsi, xaric olmuş tələbələrin yenidən bərpası, köçürülməsi və məzun olması haqqında müxtəlif əmrlərin hazırlanması;
- Magistrant əmrlərinin universitetin “Elektron Məlumat Sisteminə” (EMS) işlənməsi, magistrantların şəxsi işinə tikilməsi;
- Magistrantlara arayış və transkriptlərin verilməsi;
- Magistrantlar barədə universitet daxilindən və universitet xaricindən tələb olunan müxtəlif statistikaların hazırlanması;
- Magistrant kontingenti ilə bağlı Təhsil Nazirliyindən və digər təşkilatlardan universitetə daxil olan məktublara cavab hazırlanması;
- Magistr dissertasiya işi müdafiəsi üzrə İxtisaslaşdırılmış şuraların protokollarının düzgün tərtib edilməsinə nəzarət etmək, vaxtında təhvil alınmasının təşkili;
- “Tələbə-məzun” dövlət elektron məlumat sistemi ilə işin təşkili, tələbələr barədə tələb olunan bütün məlumatların sistemə daxil edilməsi.
BMU-da qeyd olunan funksiyaları icra etmək üçün Magistratura və doktorantura şöbəsi fəaliyyət göstərir. Şöbə, eyni zamanda, universitetdə doktorantura kontingenti ilə əlaqəli aşağıdakı işlər üzrə metodiki-təşkilati funksiyaları həyata keçirir:
- Doktoranturaya və dissertanturaya sənədlərin qəbulu forması, qaydaları, qəbul planı və imtahanların keçirilmə müddəti haqqında kütləvi informasiya vasitələrində elanın verilməsi;
- Sənədlərin qəbulu və müsabiqənin keçirilməsi üçün rektorun əmri ilə qəbul komissiyasının yaradılması, müvafiq fənlər üzrə imtahan komissiyalarının yaradılması;
- Doktoranturaya və dissertanturaya müraciət edənlərin sənədlərinin yoxlanması və ixtisas uyğunluğunun müəyyənləşdirilməsi;
- Təqdim edilən sənədlərin əsasında qəbul komissiyasının imtahanlara buraxılmaq haqqında qərarının iddiaçılara bildirilməsi;
- Doktoranturaya qəbul imtahanlarının keçirilməsi və nəticələrin qəbul komissiyasına bildirilməsi;
- Keçirilmiş müsabiqənin nəticələri və nəzərdə tutulan elmi rəhbərin rəyi əsasında qəbul komissiyasının qərarının rektorluğa bildirilməsi;
- Doktoranturaya qəbul olunanlar haqqında rektorluq tərəfindən əmrin verilməsi;
- Doktorantların dissertasiya mövzularının, elmi rəhbərlərinin və fərdi iş planlarının (tədris proqramının) müvafiq elmi şuralarda təsdiq edilməsi;
- Müvafiq kafedranın təqdimatı əsasında iddiaçıların dissertant təhkim olunması, onların dissertasiya mövzusu, fərdi iş planı və elmi rəhbəri (məsləhətçisi) haqqında elmi şura tərəfindən qərarın qəbul edilməsi;
- Qəbul olunan doktorant və dissertantlar haqqında məlumatın rektorluq tərəfindən Təhsil Nazirliyinə bildirilməsi;
- Doktoranturanın Dövlət statistika idarəsinə hesabatının verilməsi;
- Təsdiq edilmiş dissertasiya mövzularının AMEA dövlət qeydiyyat mərkəzi tərəfindən təsdiqinin təmin edilməsi;
- Doktorant və dissertantların fəaliyyət mərhələləri ilə əlaqədar seminarların təşkil edilməsi;
- Doktorantlar üçün xarici dildən doktorluq imtahanlarının verilməsi;
- Dissertantlar üçün xarici dil fənnindən doktorluq imtahanının verilməsi;
- Doktorant və dissertantlar üçün ixtisas fənnindən (həmçinin ixtisas uyğunluğu nəzərə alınmaqla, digər fəndən) doktorluq imtahanlarının verilməsi;
- Əcnəbilər və vətəndaşlığı olmayan şəxslər üçün fəlsəfə doktoru üzrə doktoranturada və dissertantlıq yolu ilə təhsil müddətində “Azərbaycan dili fənnindən əlavə doktorluq imtahanının verilməsi;
- Doktorant və dissertantların fərdi iş planının yerinə yetirilməsi barədə kafedralarda vaxtaşırı hesabat verməsi;
- Fakültə elmi şuralarında doktorant və dissertantların elmi rəhbərlərinin vaxtaşırı hesabatının dinlənilməsi;
- Doktorant və dissertantların illik attestasiyasının keçirilməsi;
- Dissertasiya işi tamamlandıqdan sonra işin yerinə yetirildiyi uyğun kafedrada AAK-ın tələblərini (videoçəkiliş və s.) nəzərə alaraq ilkin müzakirəsinin həyata keçirilməsi;
- Müdafiə üçün lazım olan sənədlərin toplanması və uyğun müdafiə şurasına təqdim edilməsi;
- İllik təhsil haqqının 2 hissə olaraq hər semestrin sonuna qədər ödənməsi;
- Normativ təhsil müddətini bitirən doktorant və dissertantların müəyyənləşdirilməsi, rektorluğa bildirilməsi və rektorluqda müvafiq əmrin verilməsi.
Universitetdə MBA proqramı üzrə də təhsil vardır.
Şöbə müdiri – texnika elimləri doktoru, professor Mahir Bəşirov
Baş mütəxəssis – doktorant Zahid İdriszadə
Mütəxəssis – Məhsəti Məmmədova
Mütəxəssis – Faiq Həsənov
Doktorantura
Magistratura
2022/2023-ci tədris ili üçün magistratura səviyyəsi üzrə qəbul aparılacaq ixtisaslar
Magistratura təhsilinin məzmunu, təşkili və "magistr" dərəcələrinin verilməsi qaydaları