Azərbaycan Dili və Pedaqogika Kafedrası

Kafedra Haqqında

Azərbaycan dili və pedaqogika kafedrasında BMU-nun bütün ixtisasları üzrə magistratura və bakalavriat səviyyələrində tələbələrin işgüzar və akademik mühitlərdə davranış mədəniyyətini, akademik yazı vərdişlərini, dildən istifadə bacarıqlarını təkmilləşdirən, pedaqoji və psixoloji bilikləri öyrədən aşağıdakı fənlər tədris edilir:

• Akademik yazı və etika
• Ali təhsil pedaqogikası
• Psixologiya
• Müasir təlim metodları
• Azərbaycan dilində işgüzar və akademik kommunikasiya
• Xarici tələbələr üçün Azərbaycan dili

Həmin fənlərin tədrisi Universitetdə yüksək peşə hazırlığına yiyələnən tələbələrin müasir və hərtərəfli şəxsiyyət kimi formalaşmasında, akademik, kommunikativ və kulturoloji keyfiyyətlərinin artırılmasında xüsusi əhəmiyyət kəsb edir. Azərbaycan dili və pedaqogika kafedrası Universitetin ictimai həyatında yaxından iştirak edir, tələbələrdə milli ideologiyanın inkişafına xidmət edən tədbir və elmi seminarlar keçirir. Kafedranın nəzdində “Sözün gücü” tələbə klubu fəaliyyət göstərir.