Bakı Mühəndislik Universitetinin (BMU) Texnopark və innovasiya mərkəzinin, eyni zamanda Texnoklubun birgə təşkilatçılığı ilə “UniTalks”ın növbəti təlim-seminarı baş tutub.

      “Start-up introduction matrix” adlı təlim-seminarda startapların necə təqdim olunmasından söhbət açılıb.

     Seminarda BMU-nun İqtisadiyyat və idarəetmə fakültəsinin tələbəsi Fidan Fərzəliyeva mövzu ilə bağlı təqdimatla çıxış edib. O, gənclərin startaplarının və gözəl ideyalarının olmasına baxmayaraq bazara çıxara bilməmələrindən, ideyanı reallaşdırmaq üçün maliyyə vəsaitinə necə qənaət olunmasından, həmçinin investorları cəlb etməyin yollarından danışıb.

       Sonda F.Fərzəliyeva iştirakçıların sualların cavablandırıb.

İctimaiyyətlə əlaqələr şöbəsi