Bakı Mühəndislik Universitetinin İqtisadiyyat və idarəetmə fakültəsinin dekanı i.ü.f.d. dosent  Mayis Əzizov 2018-2019-cu tədris ilinin yaz semestrində Avrupa Şurasının “Erasmus+ KA 107” proqramı çərçivəsində Almaniyanın Koblenz Universitetində tədris fəaliyyətinə başlayıb. Universitetimizin əməkdaşı hal-hazırda Koblenz Universitetində "Macroeconomic key factors and their impact on business" və "International study skills: Microeconomics" fənləri üzrə mühazirələr keçir. Koblenz Universitetinin tələbələri üçün Azərbaycanda təhsil almaq imkanları haqqında aprel ayının 30-da seminarı baş tutacaq dosent M. Əzizovun Koblenz Universiteti ilə əlaqələrimizin genişləndirməsi istiqamətində bir sıra görüşləri planlaşdırılır.