Bakı Mühəndislik Universitetinin (BMU) “Kimya müəllimliyi” (ingilis dilində) ixtisası üzrə builki məzunu Nərmin Şiri Azər böyük uğura imza ataraq, 6 nüfuzlu universitetdən magistratura səviyyəsinə qəbul alıb.

BMU məzunu Böyük Britaniyanın Edinburq, Varvik, Vestminster, Qlazqo universitetlərində, İtaliyanın Padua Universitetində, həmçinin Latviya Universitetində təhsilini davam etdirmək hüququ qazanıb.

Nərminin seçimi Latviya Universitetinin “Epidemiologiya və tibbi statistika” ixtisası olub. O, Azərbaycan və Latviya arasında təhsil sahəsində əməkdaşlığın nəticəsi olaraq, Hökümətlərarası Təqaüd Proqramı  çərçivəsində “Latviya dövlət təqaüdü”nə layiq görülüb.  

BMU məzunu beynəlxalq təhsilə doğru mühüm addım atmaqla ölkəmizin gəncliyini qürurla təmsil etməyi və qazandığı bilik, bacarıqlarla ölkəmizin elmi inkişafına töhfə verməyi qarşısına məqsəd qoyub.

İctimaiyyətlə əlaqələr şöbəsi