Bakı Mühəndislik Universitetinin (BMU) basketbol komandası Azərbaycan Basketbol Federasiyası və Təhsil Nazirliyinin birgə təşkilatçılığı ilə ali təhsil müəssisələrinin tələbələri arasında keçirilən basketbol üzrə ölkə birinciliyində iştirak edib.

Yarışmaya 4 qrup və hər qrupda 6 komanda qatılıb. “A” qrupunda Sumqayıt Dövlət Universiteti, Gəncə Dövlət Universiteti, Naxçıvan Dövlət Universiteti, Milli Aviasiya Akademiyası, Azərbaycan Texniki Universiteti, BMU dairəvi sistemlə qrupda 1-ci yer tutmaqla növbəti playy-off mərhələsinə vəsiqə qazanıb.

Xəzər Universitetinə qalib gələn BMU komandası 8 ən yaxşı komandalar siyahısında yer alıb. 1/4 final mərhələsində isə BMU komandası rəqibinə minimal hesabla məğlub olaraq mübarizəni dayandırıb.

Qeyd edək ki, ali təhsil müəssisələrinin tələbələri arasında basketbol üzrə respublika çempionatına 24 oğlan, 5 qızlardan ibarət olmaqla, 29 komanda (24 universitet) qatılıb. 

İctimaiyyətlə əlaqələr şöbəsi