“Coca-Cola” şirkətinin nümayəndələri ilə görüş keçirilib. Görüşdə “Coca-Cola” şirkətinin təchizat sistemləri şöbəsinin müdiri Rəna Məmmədova, İnsan resursları və inzibati işlər müdiri Zarina Seyidova, İnsan Resursları üzrə mütəxəssis Çinarə Məhərrəmova iştirak edib.  

      Rəna Məmmədova tələbələrə baş ofisi İstanbulda yerləşən və 10 ölkədə fəaliyyət göstərən beynəlmiləl bir içki şirkəti olan “CCİ Azərbaycan Coca-Cola” şirkətinin qazlı və qazsız içkilərinin istehsalı, daşınması və satışı haqqında məlumat verib. Daha sonra İnsan Resursları üzrə mütəxəssis Çinarə Məhərrəmova çıxış tələbələrə “CCI Azərbaycan Menecment Təcrübə Proqramı” üzrə müraciətlərin qəbuluna start verdiklərini və qəbul şərtləri haqqında məlumat verib.

     Qeyd edək ki, təcrübə proqramının məqsədi Gündəlik Tələbat Malları (FMCG) sahəsinin müxtəlif aspektlərində iş təcrübəsi, kompleks problemləri həll etmək üçün bacarıq və peşəkar təcrübəni inkişaf etdirmək, insanlarla yeni əlaqələr qurmaq və iş həyatında tez-tez qarşıya çıxan çətinlikləri təcrübədən keçirmək imkanı yaratmaqdır.

PROQRAMA DAXİL OLAN DEPARTAMENTLƏR

• § İnsan Resursları
• § Marketinq
• § Maliyyə
• § Satış
• § Təchizat Sistemləri
• § Hüquq

SİZDƏN GÖZLƏNTİLƏR NƏLƏRDİR?

• § Müvafiq sahə üzrə Bakalavr / Magistr dərəcəsi
• § Proqram müddətində iş rejimi tam günlük olduğundan seçim zamanı artıq məzun olmuş, son kursda və ya gecə növbəsində təhsil alan namizədlərə üstünlük veriləcəkdir
• § Heç bir müvafiq iş təcrübəsi tələb edilmir
• § Yaxşı səviyyədə Azərbaycan və İngilis dili biliyi (şifahi və yazılı)
• § MS Ofis proqramlarını yaxşı səviyyədə bilmək
• § Enerjili və öyrənməyə həvəsli olmaq

MÜRACİƏT ETMƏK ÜÇÜN

CV-nizi e-mailin mövzu qismində “MT Program – Departamentin adı” qeyd etməklə [email protected] elektron ünvanına göndərin. (Məsələn: MT Program – Marketing).Son müraciət tarixi 20.05.2019.