Bakı Mühəndislik Universitetinin (BMU)Erasmus+ KA1 mübadilə proqramı çərçivəsində əməkdaşlıq etdiyi İspaniyanın Granada Universiteti bir həftəlik tədris üçün yeni çağırış elan edir.

Mübadilə 2023/2024-cü tədris ili üçün nəzərdə tutulur. Sənədlərin qəbulunun son tarixi 03.12.2023-cü il.

Namizədlər aşağıdakı seçim tələblərinə uyğun müəyyən olunacaq:

- BMU-da ingilis dilində tədris etməli;

- Tərcümeyi-hal (CV);

- Granada Universitetinin aidiyyatı professor-müəllim heyətindən dəvət məktubu;

- Granada Universitetində nəzərdə tutulan tədris proqramının məzmunu (Content of the teaching programme);

- Motivasiya məktubu;

- Nəşrlərin siyahısı;

- Pasport.

Qeyd:

1. Tələb olunan sənədlər ingilis dilində hazırlanıb təqdim olunmalıdır.

2. Granada Universitetinin kafedralarının professor-müəllim heyətinin məlumatları: https://www.ugr.es/en/about/organization/departments

3. Tələb olunan sənədləri 03.12.2023-cü il tarixinə kimi təqdim olunan Qeydiyyat linkinə daxil olaraq yükləməyiniz xahiş olunur.