Braqança Politexnik İnstitutu (IPB, Portuqaliya, www.ipb.pt/en) beynəlmiləlləşməni, təcrübə əsaslı tədqiqatları və pedaqoji innovasiyaları təşviq edir. Unikal beynəlmiləlləşmə layihəsini gücləndirən IPB bu məqsədlə aşağıda qeyd olunan şərtlərlə ziyarətçi professorların qəbulu üçün çağırış elan edir:

1. Mübadilə müddəti və iş planı:

Ziyarətçi professor 11/09/2023-cü il tarixindən başlayaraq, 11/02/2024-cü il tarixinə kimi aşağıdakı fəaliyyətlər üçün IPB-də qalmalıdır:

a) IPB təhsil proqramının bir kursu üzrə mühazirə (təxminən, 6 AKTS krediti, 4 saat/həftə);

b) IPB-nin bir və ya bir neçə tədqiqatçısı ilə və bir IPB R&D bölməsində tədqiqat iş planının hazırlanması;

c) Ziyarətçi professorlar, həmçinin IPB-nin pedaqoji innovasiya layihələrində, yəni Demola layihəsində və digər innovativ modul və magistr proqramlarında, Mentorluq Akademiyası proqramında və könüllü təşəbbüslərdə iştirak edə bilərlər.

2. IPB dəstəyi:

IPB ziyarətçi professorların yerləşməsinə və ziyarətçi professorun ölkəsinə bir dəfə gediş-gəlişinin təminatına zəmanət verir.

3. Müraciət üçün tələblər:

Ziyarətçi professorun 4-cü bənddə göstərilən sahələrdən biri üzrə fəlsəfə doktoru diplomu və beynəlxalq təsirə malik elmi tədris planı olmalıdır. Professor öz ərizəsini 28/02/2023 tarixindən əvvəl http://ipb.pt/go/cz890, internet platformasından təqdim etməlidir. Professor bir PDF faylı (maksimum 2048 Kb), o cümlədən motivasiya məktubu (mübadilə dövrü üçün ərazini və iş planını təsvir edən) və sonra öz tərcümeyi-halını (CV) təqdim etməlidir.

4. Sahələr:

Rəqəmsal marketinq

Təhsil texnologiyası

Elektrik/Elektronika mühəndisliyi

Gerontologiya

Qonaqpərvərlik

Jurnalistika və reportaj

İdarəetmə

Tibb bacısı

Osteopatiya

Fizioterapiya

Sosial Psixologiya

Baytarlıq