İnnovasiya və Rəqəmsal İnkişaf Agentliyi ilə ATL Akademiyanın birgə reallaşdırdığı "Technest" Təqaüd Proqramı çərçivəsində tam ödənişsiz təqaüd proqramına qeydiyyat başlayıb.

Qadınların informasiya-kommunikasiya texnologiyaları sahəsində iştiraklarının artırılması məqsədi daşıyan təqaüd proqramına əsasən, xanım tələbələr ATL Akademiyada seçdikləri sahə üzrə tam təqaüdlü təhsil almaq hüququ qazanacaqlar.

“Frontend”, “Java backend”, “C# Backend”, “iOS mobil proqramlaşdırma, “Android mobil proqramlaşdırma”, “Product management”, “IT Biznes Analitika” kimi istiqamətləri birləşdirən proqram ilə bağlı daha ətraflı məlumat almaq üçün linkə (https://atlacademy.az/event/34-8-mart-8-qadin-teqaud-proqrami) keçid edə bilərsiniz.

Proqrama son müraciət tarixi 07 aprel 2024-cü ildir.