“Elektrik mühəndisliyinin gələcək perspektivləri” mövzusunda vebinar keçiriləcək

“Elektrik mühəndisliyinin gələcək perspektivləri” mövzusunda vebinar keçiriləcək

Azərbaycan Respublikasının Təhsil İnstitutu, Bakı Mühəndislik Universiteti (BMU) və “2019-2023 Dövlət Proqramı”nın birgə təşkilatçılığı ilə ölkədə mühəndislik ixtisaslarının təbliği məqsədilə vebinarlara start verir. İlk vebinar 21 iyun 2021-ci il tarixində saat 16:00-da “Elektrik mühəndisliyinin gələcək perspektivləri” mövzusunda keçiriləcək.

Vebinarın keçirilməsində əsas məqsəd elektrik mühəndisliyi ixtisasının gələcək perspektivlərinin müzakirəsi, Azərbaycanda sözügedən ixtisasın inkişafı, habelə “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində BMU ilə Koreya Respublikasının İnha Universiteti tərəfindən ali təhsilin bakalavriat səviyyəsində “Elektrik mühəndisliyi” ixtisası üzrə beynəlxalq ikili diplom proqramına qəbul barədə ətraflı məlumatın verilməsidir. Vebinar ikili diplom proqramı çərçivəsində elektrik mühəndisliyi ixtisasının təşviqatı üçün nəzərdə tutulub.

Vebinarda spiker qismində Fuad Soltanov çıxış edəcək. O, bakalavr təhsilini Türkiyənin Dokuz Eylül Universitetinin Elektrik və elektronika mühəndisliyi fakültəsində, magistr dərəcəsini isə İngiltərənin Bath Universitetində alıb. Neft-qaz sənayesində dəniz qurğuları və quru qurğularındakı elektrik sistemləri və avadanlıqları üzrə mühəndis elektrik kimi 11 il, əməliyyat risklərinin auditoru vəzifəsində isə 4 il təcrübəsi var.

Azərbaycan dilində keçiriləcək tədbirdə iştirak üçün məhdud sayda yer mövcuddur. İştirak etmək üçün 19 iyun 2021-ci il tarixinədək aşağıdakı linkdə qeydiyyatdan keçməyiniz xahiş olunur:

https://cutt.ly/enLjfGZ

Digər elanlar