Bakı Mühəndislik Universitetində (BMU) Çinin Qinqdao Texnologiya Universitetində təqaüdlü magistr təhsili haqqında onlayn seminar keçiriləcək.  

26 may 2021-ci il tarixində saat 10:00-da baş tutacaq seminarda (https://www.facebook.com/iro.beu.edu.az) təqaüdlü magistr təhsili, həmçinin qəbul şərtləri və sənədləri, iki illik təhsil müddətində (onlayn-2021/2022-ci illərdə və əyani-2022/2023-cü illərdə) tədris olunacaq mövzular, gələcəkdə PhD/Doktorantura və iş imkanları haqqında ətraflı məlumat veriləcək.

Qeyd edək ki, 24 aprel 2021-ci ildə BMU ilə Çinin Qinqdao Texnologiya Universiteti (http://english.qtech.edu.cn) arasında Anlaşma Memeorandumu (MoU) imzalanıb. Memoranduma əsasən BMU-nun İnşaat mühəndisliyi ixtisası üzrə 4-cü kurs tələbələri və əvvəlki illərdə məzun olanlar üçün təqaüdlü İnşaat mühəndisliyi ixtisası üzrə magistr təhsili təklif edilir. Belə ki, 5 nəfər üçün tam – 100%-li təqaüd, 5 nəfər üçün isə yarı - 50%-li təqaüd nəzərdə tutulub.

Sözügedən universitet Azərbaycanda ilk dəfə BMU ilə Anlaşma Memorandumu imzalayıb.