Müsabiqə

Əziz gənclər!

Azərbaycan Respublikasının Gənclər və İdman Nazirliyi, Azərbaycan Respublikasının Təhsil Nazirliyi və "Ekspo 2025 Bakı" Əməliyyat Katibliyi tərəfindən 2025-ci ildə Beynəlxalq Sərgilər Bürosunun ümumdünya sərgisinə ev sahibliyinə Bakı şəhərinin namizədliyi çərçivəsində esse müsabiqəsinə start verildi!

Müsabiqə gənclər arasında "Ekspo 2025 Bakı” layihəsi haqqında məlumatlılıq səviyyəsini artırmaq, ölkə üçün vacib əhəmiyyət kəsb edən məsələlərdə gənclərin iştirakına şərait yaratmaq, onların kreativlik potensialını  müasir cəmiyyətin inkişaf istiqamətləri və sərginin fəlsəfəsinə yönəltmək məqsədilə keçirilir.

Mövzu:

Müsabiqə “İnsan kapitalını inkişaf etdirərək, daha yaxşı gələcək quraq” mövzusu üzrə keçirilir. İştirakçılar aşağıdakı 3 alt mövzudan birinə müraciət etməlidirlər:

  • Təhsilin gələcəyi
  • Sağlamlığın gələcəyi
  • Əməyin gələcəyi

Əsas şərtlər:

  • Müsabiqədə16-29 yaş arasında gənclər iştirak edə bilər.
  • Hər müəllif yalnız bir esse ilə müsabiqədə iştirak edə bilər.
  • Yalnız heç bir mətbuat orqanında çap olunmamış esselər müsabiqəyə buraxılır.
  • Təqdim edilən esselər 1000 sözdən artıq olmamalıdır.
  • Esselər Azərbaycan, rus və ya ingilis dillərində yazıla bilər.

Mükafat:

Müsabiqə qalibləri I, II və III yerlər üzrə müəyyən olunur. I yerin qalibinin Fransanın Paris şəhərində yerləşən Beynəlxalq Sərgilər Bürosunun qərargahına səfəri təşkil olunacaq, II və III yerin qalibləri xüsusi diplom və qiymətli hədiyyələr ilə təltif ediləcəklər.

Qeyd:  Təqdim edilən esselər xüsusi proqram vasitəsilə yoxlanılır. Mətnin 25%-dən çoxu əvvəl dərc edimiş mətnlə eynilik təşkil etdiyi təqdirdə o plaqiat hesab olunur və müsabiqəyə buraxılmır.

Müsabiqəyə işlər 2018-ci il martın 12-dən aprelin 10, saat 18.00-dək competition@bakuexpo2025.com elektron poçt ünvanında qəbul olunur. 

 

https://bakuexpo2025.com/az/news

 

 

Əziz Tələbələr!

BMU Yeni Azərbaycan Partiyası Gənclər Birliyi könüllülük proqramını elan edir. Tələbə-könüllülərin universitet daxilində və xaricində keçiriləcək tədbirlərdə, yarışlarda fəal iştirakı və tələb olunan qaydaları yerinə yetirmə bacarıqları götürüləcək. YAP-ın hər zaman fəaliyyətində gənclərə geniş imkanların yaradılmasına, onlarda milli şüurun, vətənpərvərlik ruhunun formalaşdırılmasına xüsusi diqqət yetirilir. Proqramda iştirak etmək istəyən tələbələrdən aşağıdakı formu doldurmaları xahiş olunur.

Qeyd edək ki, könüllülük proqramı bitdikdən sonra istəkli tələbələr Yeni Azərbaycan Partiyasına üzv ediləcək.

 

 

 

 
 
 

©2018