Tələbələrimizin nəailiyyətləri Respublika ərazisində fəaliyyət göstərən yerli və xarici şirkətlərin marağına səbəb olur. Bu şirkətlərdən biri də “Gilan Holding “ MMC - dir. Holdinqin əməkdaşları Müəssisələrlə Əlaqələr və Karyera departamentinin qonağı oldu. Görüşdə departamentin direktoru Gülçöhrə İbrahimova, mütəxəssisi Sahilə Daşdəmirova və holdinqin HR meneceri Samirə Mustafayeva və HR mütəxəssisi Nigar Əsadova iştirak etdi.

Bildiyimiz kimi, hal-hazırda ölkəmizdə bir çox məşhur inşaat layihələri həyata keçirilir və hazırda bu proses davam edir. Bu layihələrdən biri də “Gilan Holding” MMC-nin “Crescent Development Project” layihəsidir. Görüşdə layihənin tələbələrə tanıdılması və Mexanika mühəndisliyi, İnşaat mühəndisliyi, Sənaye mühəndisliyi ixtisaslarının 3-cü və 4-cü kurslarında təhsil alan tələbələrimizin istehsalat təcrübəsinə cəlb edilməsi eyni zamanda “Crescent Development Project” layihəsinin rəhbərliyi tərəfindən universitetimizdə təşkil etmək istədikəri seminar müzakirə edildi.