BMU-da Dövlət Bayrağı Günü münasibətilə tədbir keçirilib BMU-da Dövlət Bayrağı Günü münasibətilə tədbir keçirilib

, baxılıb - 21 dəfə

“9 noyabr Azərbaycan Respublikasının Dövlət Bayrağı Günü” münasibətilə Bakı Mühəndislik Universitetində bayram tədbiri keçirilib.

Hafta.az yazır ki, tədbirə universitetin rəhbər şəxsləri, professor-müəllim heyəti, bütün struktur-bölmə rəhbərləri və tələbələr iştirak edib. 

Azərbaycanın dövlət himni səsləndirildikdən sonra Dövlət Bayrağımıza həsr olunmuş videoçarx nümayiş olunub. Universitetin rektoru, professor Havar Məmmədov tədbir iştirakçılarını bayram münasibətilə təbrik edib. Rektor qeyd edib ki, dövlət bayrağı 1918-ci il noyabrın 9-da Azərbaycan Xalq Cümhuriyyəti hökumətinin iclasında qəbul edilib. "Həmin bayraq 1990-cı il noyabrın 17-də Naxçıvan Muxtar Respublikası Ali Məclisinin sədri, Azərbaycan xalqının ümummilli lideri Heydər Əliyevin təşəbbüsü və rəhbərliyi ilə keçirilən sessiyada Naxçıvan Muxtar Respublikasının dövlət bayrağı olaraq təsdiqlənib. 1991-ci il fevralın 5-də Azərbaycan Respublikasının Ali Soveti “Azərbaycan Respublikasının Dövlət bayrağı haqqında” Qanun qəbul edərək onu dövlət bayrağı elan edib. Prezident İlham Əliyevin 17 noyabr 2009-cu il tarixdə imzaladığı müvafiq sərəncama əsasən noyabrın 9-u bütün dünya azərbaycanlıları üçün müqəddəs bir təqvimə çevrilib. Bu gün ümumxalq bayramı kimi qeyd olunması dövlətçilik, milli həmrəylik, vətənpərvərlik hislərinin şüurlara çatdırılması atributlarımızın təbliği baxımından olduqca əhəmiyyətlidir. Ölkə rəhbərliyi tərəfindən aparılan uğurlu siyəsət nəticəsində müstəqil respublikamızda demokratik və hüquqi dövlət quruculuğu sahəsində böyük nailiyyətlər qazanılıb, dövlətçiliyimiz möhkəmlənib", - rektor deyib.

Tədbir bayram abu-havasında tələbələrin ifasında bir-birindən maraqlı səhnəciklər, musiqi və rəqslərlə davam edib.

 
 
 
 
http://hafta.az/index2.php?m=yazi&id=226521
Bölmənin digər xəbərləri
Bölmənin digər xəbərləri
 
 
 

©2018