Britaniya Şurasının Azərbaycan üzrə ölkə direktoru, Mədəniyyət  Attaşesi Samr Şah və əməkdaşı Nərgiz  Hüseynova Bakı Mühəndislik Universitetində olublar. Qonaqları universitetin  Beynəlxalq əlaqələr üzrə prorektoru dosent Manafaddin Namazov və universitetin  Beynəlxlaq əlaqələr və layihələrin idarə olunması şöbəsinin əməkdaşları qarşılayıb.

 Prorektor M.Namazov universitetin beynəlxalq əlaqələrindən bəhs edərək xarici ölkələrdəki universitetlər və İngiltərənin ali təhsil müəssisələri ilə əməkdaşlıqda, əsasən mühəndislik profilli universitetlərin ikili diplomlarının verilməsində maraqlı olduqlarını bildirib.

   Samr Şah səmimi qəbula görə rektor Havar Məmmədova və dosent M.Namazova öz təşəkkürlərini bildirib. O, İngiltərə universitetləri ilə birlikdə ikili diplom proqramları hazırlanması mexanizmləri və hazırlanacaq proqramların akkreditə olunmasından danışıb, bu əməkdaşlığın hər iki ölkənin təhsil sahəsinə uğur gətirəcəyini qeyd edib.